voluntariado
Voluntariado
Participa na construción dun rural galego vivo e sostible
Na Fundación Galicia Verde cremos que a participación das persoas é fundamental para recuperar, conservar e poñer en valor os recursos naturais, culturais e humanos do noso rural.
O voluntariado é unha oportunidade para contribuír a este compromiso colectivo, compartir coñecementos e colaborar na construción dun futuro máis sostible para Galicia.
En que podes colaborar?
As persoas voluntarias poderán participar, segundo as necesidades e posibilidades de cada proxecto, en actividades relacionadas con:
- Hortas comunitarias solidarias: agricultura ecolóxica, produción de alimentos e solidariedade.
- Corredores verdes: recuperación de espazos produtivos e fomento da biodiversidade.
- Patrimonio rural: conservación e difusión dos coñecementos e tradicións de Galicia.
- Televisión rural: colaboración na divulgación de iniciativas e experiencias do rural galego.
- Sementes tradicionais: recuperación, conservación e intercambio de variedades agrícolas locais.
- Formación e sensibilización: apoio a actividades educativas e de divulgación.
Queres participar?
Se compartes os nosos obxectivos e desexas contribuír ao futuro do rural galego, convidámoste a contactar coa Fundación Galicia Verde.
O futuro do rural tamén depende de ti. Participa!
