Televisión rural: voz do territorio

TV RURAL > SENDA VERDE TV

A voz do territorio

Programas, reportaxes e entrevistas desde o rural galego, con perspectiva local e compromiso ecosocial.

ESTA É A TÚA TELE

En SENDA VERDE TV RURAL a programación nace do territorio: do que che preocupa, do que che afecta e do que queres mellorar. Aquí non vés só a mirar: vés a participar.

Propón un tema: cóntanos que pasa na túa aldea, parroquia ou comarca.

Envía un vídeo ou unha foto: se ti o viches, pode ser noticia.

Conta unha historia: memoria, oficio, tradición, problema ou solución.

Únete ao nodo da túa comarca: axúdanos a escoitar e dar voz á xente.

Queremos que cada persoa se sinta representada e con posibilidades reais de interactuar, para que sintas esta televisión como propia.

Como programamos SENDA VERDE TV rural

SENDA VERDE TV RURAL: unha tele feita pola xente e para a xente

A base da nosa programación son os intereses e as necesidades da xente do rural. Así de simple. Se queremos facer unha televisión útil, temos que escoitar, dialogar e responder ao que pasa nas aldeas, nas vilas e nas comarcas.

Por iso organizámonos por comarcas: para estar preto, para coñecer a realidade de cada sitio e para dar resposta ás 53 comarcas de Galicia. Queremos que cada persoa, viva onde viva, poida dicir: “aquí tamén saímos nós”. En base a iso nos estamos organizando.

CONTIDOS. Sempre de abaixo cara arriba.

Os contidos nacerán da xente e do que lle preocupa día a día. E irán subindo:
Primeiro, as persoas: veciñas e veciños, mozos e maiores, quen vive e traballa no territorio.
Despois, as entidades do lugar: asociacións culturais, comunidades de montes, grupos ecoloxistas, ANPAS, clubs deportivos, etc.
A continuación, a parte produtiva: cooperativas, pequenas empresas, iniciativas emprendedoras, proxectos locais.
E por último, os concellos.

E se hai interese e sempre sen condicións nin interferencias, tamén poderán participar deputacións e outras institucións cando sexan actuacións de interese xeral, como por exemplo difundir un plan de actuación fronte a incendios forestáis.

PROPÓSITOS. A nosa programación ten tres propósitos claros: formar, conservar e recuperar, e informar. O importante para nós é que te sintas representado e poidas falar. SENDA VERDE TV RURAL non é unha tele para mirar calado. É unha tele para:

Verse reflectido no que se emite.
Participar, propoñer temas e contar o que pasa.
Corrixir, matizar e pedir explicacións cando faga falta.
Sentir que isto é da comunidade, non dun despacho nin dunha empresa.

PRINCIPIOS QUE NON SE NEGOCIAN

Nós estamos ao servizo do país e da xente que o sostén. A televisión rural ten que defender un futuro mellor e un uso equilibrado e sostible dos recursos, sen poñerse ao servizo de intereses alleos.

Resumímolo en cinco ideas:

Que sirva para algo: contidos que che axuden no día a día (trámites, servizos, dereitos, produción, contaminación, oportunidades).
Que sexa certa: rigor, contraste e corrección de erros.
Que sexa participativa: aquí non mandan só os de sempre; a xente conta e decide temas.
Que se entenda: galego claro, pezas curtas, e subtítulos cando faga falta.
Que sexa limpa e transparente: independencia, separación entre información e opinión, e contas claras.

ORGANIZACIÓN

Para que a túa voz conte, de verdade, organizarémonos por comarcas. En cada comarca haberá un grupo aberto onde participe xente e entidades do territorio. A súa función é:

Escoitar o que preocupa,
Detectar necesidades,
Propoñer temas,
Mover os contidos para que cheguen á pantalla.
As reunións e decisións serán abertas e participativas, e o grupo poderá renovarse cando a xente o pida.

Calquera persoa ou entidade pode participar, enviando propostas ao seu referente comarcal, e se non recibe resposta, contactando directamente co comité organizativo da televisión rural.

A estrutura é esta:

Nodo comarcal: persoas e entidades que recollen ideas e fan contidos (con apoio e formación).
Consello Comarcal de Programación: un grupo reducido que prioriza e organiza (reunión mensual ou bimensual).
Coordinación central: axuda técnica, edición, orde da programación e visión de País.
En contidos de especial relevancia, para reforzar as gravacións, poderemos desprazar un dous equipos técnicos itinerantes profesionáis.

Como entra un tema na tele rural

Escoitamos: formularios, mensaxería, encontros comarcais e o “tema do mes”.
Propoñes: que pasa, a quen afecta e quen ten que falar.
Comprobamos o básico: interese público e datos mínimos contrastados.
Facemos a peza: curta, reportaxe ou debate.
Emitimos e volvemos: réplicas, actualizacións e seguimento: “que cambiou?”

OBXECTIVOS PRIORITARIOS

A) INFORMAR (servizo público desde o territorio)

Actualidade comarcal semanal: o que che afecta de verdade.

Economía local e emprego: cooperativas, iniciativas e oportunidades.
Trámites e dereitos: axudas, PAC, dependencia, montes, licenzas, transporte e sanidade.
Seguimento do público: “o que dixeron / o que fixeron”.
Dereito a réplica: normas claras e espazo garantido.

B)FORMAR (escola aberta rural)

Agroecoloxía práctica: solo, auga, cultivos, manexo e sanidade.
Monte e prevención: biomasa, franxas, seguridade e boas prácticas.
Alfabetización dixital: trámites, ferramentas, redes e seguridade básica.
Formación continua: técnicas novas, melloras e cultura da calidade.
Formación audiovisual: gravar, editar e publicar. Especial foco en centros educativos para implicar á mocidade.
Pensamento crítico: detectar bulos, contrastar e exercer dereitos.

C) PROTEXER E RECUPERAR (memoria e patrimonio vivo)

Oficios e saberes: tradición e innovación con raíz.
Patrimonio natural: ríos, fragas, brañas, costas; coidados e ameazas.
Patrimonio material: cruceiros, igrexas, aldeas e arquitectura popular.
Cultura e lingua: música, festas, toponimia, relatos e arquivo comarcal.
“Memoria Viva”: arquivo audiovisual por comarcas, sempre dispoñible para a xente do lugar.

EIQUÍ PODERÁS MIRAR OS PROGAMAS EMITIDOS

EUCALIPTIZACIÓN DO PAÍS

Analise das consecuencias a medio e longo prazo da masiva eucaliptización que estamos a sufrir

Agresións ao medio ambiente

Documental denunciando a manipulación da auga en beneficio dunha empresa.

O BOSQUE AUTÓCTONO GALEGO

O bosque tradicional, usos e costumes. Beneficios para a saúde do medio natural e das persoas

Actualizamos a grella cada semana con novas pezas: entrevistas a gandeiras e artesáns, reportaxes de proxectos e formatos divulgativos breves. Se queres recibir avisos das próximas emisións, subscríbete.

Como participar e enviar contidos

Gustaríache propoñer un tema, contar un proxecto ou gravar desde a túa parroquia?

Pasos:

Descríbenos a historia en 5-10 liñas e indica persoas de contacto.
Se tes material, achega 3-5 clips curtos en horizontal (1080p) e 2-3 fotos.
Inclúe permisos de gravación e cesión de imaxe se hai menores.
Envía todo a secretaria@fundaciongaliciaverde.org ou usa o formulario.

Que buscamos: temas con utilidade pública, enfoque en solucións e respecto polas persoas e o territorio.

Contacto para medios e apoio

Formulario de contacto rápido

Para entrevistas, peticións de imaxe ou colaboracións, contacta con nós:

Email: secretaria@fundaciongaliciaverde.org
Teléfono: 681333962
Notas para medios: Agradecemos mensaxes con prazos e necesidades técnicas.

Se queres apoiar a canle, podes facer unha doazón ou apadriñar unha árbore.