Ir ao contido

Rede de Colaboracion de Senda Verde TV Rural - Fundación Galicia Verde

Rede de Colaboracion de Senda Verde TV Rural

PROXECTOS > TV RURAL
Construímos a televisión rural entre todas e todos

A Rede de Colaboración de Senda Verde TV Rural, promovida pola Fundación Galicia Verde, nace para reunir persoas, asociacións e entidades comprometidas coa información, a formación e a conservación e recuperación do patrimonio do rural galego.

Queremos aproveitar os coñecementos, experiencias e recursos existentes nas nosas comarcas para construír unha televisión participativa, feita desde o territorio e ao servizo das súas comunidades.

Podes colaborar propoñendo temas, achegando documentais e materiais audiovisuais, participando na elaboración de contidos, compartindo coñecementos técnicos ou incorporándote aos futuros comités de seguimento comarcais e xeral.

Cada persoa ou entidade poderá escoller libremente como desexa participar, segundo os seus intereses e posibilidades.

A adhesión á rede será voluntaria e gratuíta, sen obrigas de colaboración periódica.

Como podes colaborar?

Senda Verde TV Rural ofrece diferentes formas de participación. Escolle aquelas que mellor se adapten aos teus intereses, coñecementos e posibilidades.

Documentais e vídeos

Comparte documentais, reportaxes e outros materiais audiovisuais xa realizados para contribuír á programación e á conservación da memoria rural, respectando os dereitos dos seus autores.

Información e experiencias

Propón noticias, iniciativas, problemas e experiencias que merezan ser coñecidas e compartidas coas comunidades rurais galegas.

Colaboración audiovisual

Achega os teus coñecementos en gravación, fotografía, edición, son, realización ou comunicación para axudar a producir e difundir contidos.

Comités comarcais

Participa na identificación de necesidades, na proposta de temas e no seguimento da televisión desde a túa comarca.

Comité xeral

Contribúe ao seguimento do proxecto, á colaboración entre comarcas e á proposta de orientacións xerais para a televisión rural.

Difusión e apoio

Axuda a dar a coñecer a televisión, facilita contactos con persoas e entidades e contribúe a ampliar a rede de colaboración.

Podes participar nunha ou varias modalidades. A adhesión á rede é voluntaria e gratuíta, sen obrigas de colaboración periódica. Cada achega realizarase segundo as posibilidades e os acordos establecidos coas persoas e entidades participantes.
Volver ao contido
Application icon
Fundación Galicia Verde Install this application on your home screen for a better experience
Tap Installation button on iOS then "Add to your screen"